ثورة زى القمر فى اليوم السابع


يا زهور الحرية غنوا معاى
شوفوا ثورتنا بيضا ازاى

خلت الظلم يؤول باى باى
خلت الخير يؤول أنا جاى



ثورة جميلة زى القمر
وعلى طريق المجد
والحرية بدأ السفر

يا بلدنا خيرك زى المطر
زراعة وصناعة وقناة
وبترول وغاز وسياحة وسفر
ونهبوكِ يا مصر شوية غجر

ثورتنا البيضا الحلوة
قام بها شباب بيحب الوطن
حياته الكرامة بيسبق الزمن
نزل وفى ايديه البريئة الكفن
منهم من سبقنا لجنات عدن
منهم اللى لسة بيدفع التمن

رفعوا فى العالى كرامة البلد
خلى الأمل فى قلوبنا اتولد
مش شلنا سلاح
فى أصعب كفاح
وربنا كتب لنا أعلى نجاح

سكنا الميدان
نصرنا الديان
على الطغاة والطغيان

دى بلدنا الطيبة الحلوة الطيبة
فيها قضينا أيام الصبا
بين النخيل والنيل والرُبا
بين النخيل والنيل والرُبا


https://www.youm7.com/News.asp?NewsI...90&IssueID=168